બેંકના વિવિધ ખાતાઓ

બેંકમાં અનેક પ્રકારના ખાતાઓ હોય છે. દરેક ખાતાઓને પોતાના અલગ અલગ વ્યાજદર અને જમા-ઉપાડના નિયમો અને તેમાં પૈસા રોકવાના અમુક ઉદ્દેશો હોય છે. જે નીચેના કોષ્ટકમાં આપેલ છે.

ખાતાનો પ્રકાર	વ્યાજદર	જમા-ઉપાડના નિયમો	ન્યૂનતમ બેલેન્સ	વિશેષ માહિતી અને વપરાશનો ઉદ્દેશ
ચાલુ ખાતું	શૂન્ય	અસીમિત જમા અને ઉપાડ	કોઈ નિયમ નથી	·         આવા ખાતાઓ મોટાભાગે સંસ્થા કે વેપારીઓ પાસે હોય છે. ·         રોજના લાખો-કરોડો રૂપિયાની લેવડ દેવડની છૂટ આપવામાં આવે છે. ·         આ ખાતામાં પૈસા રાખવાનો ઉદ્દેશ: અમર્યાદિત પૈસા સાચવવા અને તેને ઈ-કોમર્સમાં વાપરવા
બચત ખાતું	સૌથી ઓછુ	બે કે અઢી લાખ સુધીની લેવડ દેવડ કે જમા ઉપાડ	અંદાજે બે થી પાંચ હજાર	·         આ ખાતાઓ સામાન્ય માણસો પાસે હોય છે. ·         ન્યૂનતમ બેલેન્સ કરતાં નીચે બેલેન્સ જાય તો ચાર્જ લાગી શકે છે. ·         આ ખાતામાં પૈસા રાખવાનો ઉદ્દેશ: અમુક મર્યાદિત પૈસા સાચવવા અને તેને ઈ-કોમર્સમાં વાપરવા
બાંધી મુદત ખાતું/ફિક્સ ડિપોઝીટ	બચત ખાતાથી બે ગણું	ફક્ત એકવાર જમા પાકતી તારીખે ઉપાડ	બેંકના નિયમ મુજબ	·         આ ખાતામાંથી પાકતી તારીખ પહેલા પૈસા જોતા હોય તો તેને સંપૂર્ણપણે બંધ કરવું પડે છે. તેના પર થોડો ચાર્જ પણ લાગે છે. ·         આ ખાતામાં પૈસા રાખવાનો ઉદ્દેશ: o   ચોક્કસ સમય માટે પૈસાની બચત કરવા. o   વધુ વ્યાજ મેળવવા.
આવર્તી જમા ખાતું/રીકરીંગ ડિપોઝીટ	ફિક્સ ડિપોઝીટથી થોડું ઓછુ/ જેટલું	દર મહીને ચોક્કસ રકમ જમા પાકતી તારીખે ઉપાડ	બેંકના નિયમ મુજબ	·         જે રકમ દ્વારા ખાતું ખોલાવ્યું હોય, તેટલી જ રકમ દર મહીને આ ખાતામાં જમા કરવાની હોય છે. ·         આ ખાતામાં પૈસા રાખવાનો ઉદ્દેશ: o   દર મહિનાની આવકમાંથી અમુક ચોક્કસ રકમની બચત કરવા. o   આ બચત પર વધુ વ્યાજ મેળવવા.
ફલેકસી રીકરીંગ	ફિક્સ/ રીકરીંગ ડિપોઝીટથી થોડું ઓછુ/ જેટલું	એક વર્ષમાં ન્યૂનતમ અને મહત્તમ વચ્ચેની રકમ ગમે ત્યારે અને ગમે તેટલી વખત જમા પાકતી તારીખે માત્ર એક જ વખત ઉપાડ	બેંકના નિયમ મુજબ	·         આ ખાતામાં ન્યૂનતમથી ઓછી રકમ જમા કરવા પર ચાર્જ લાગે છે. ·         મહત્તમથી વધુ રકમ જમા કરી શકાતી નથી. ·         આ ખાતામાં પૈસા રાખવાનો ઉદ્દેશ: o   આવકમાંથી ક્યારે અને કેટલી બચત કરવી તેમજ આવકની સીમા અને આવકની તારીખ નક્કી ન હોય તેવા સંજોગોમાં બચત કરવા. o   આ બચત પર વધુ વ્યાજ મેળવવા.
ઋણ ખાતું/ લોન ખાતું	સૌથી વધુ	શરૂઆતમાં એક જ વખત ઉપાડ ગમે તેટલી વખત (ઓછામાં ઓછુ મહિનામાં એક વખત) જમા	-------	·         બેંક પાસે પૈસા જમા પડ્યા હોય તેને તે બે-ત્રણ ટકા વધુ વ્યાજ સાથે લોન તરીકે આપે છે અને તેમાંથી જ તેની કમાણી થાય છે. ·         લોન આપતા પહેલા જે તે વ્યક્તિની આવકને ખાસ જોવામાં આવે છે. વળી, તે વ્યક્તિ પાસે બેંકનું ચાલુ/બચત ખાતું પણ હોવું જોઈએ. ·         દર મહીને ચાલુ/બચત ખાતામાંથી અમુક રૂપિયા EMI તરીકે કપાય છે. ·         જો પૈસાની સગવડ હોય તો એકસાથે વધુ રૂપિયા લોન ખાતામાં ટ્રાન્સફર કરીને વ્યાજનો દર ઘટાડી શકાય છે. ·         આ ખાતાના વપરાશનો ઉદ્દેશ: o   પૈસાની જરૂર હોય તો બેંક પાસેથી પૈસા વ્યાજે લેવા.